حبل الكذب قصير

اثين من الشباب في عز مراحل الطيش والمراهقه ..
محد منهم له خلق يدرس للإختبار اللي مقرر عليهم في اليوم التالي ... وكان هذا الحوار..::

اقرأ


ركز


وحط نفسك مكان اي شخص فيهم..

************

الوووووو : خويلد ...(اللي هو خالد) قوم للحين نايم

خالد: من معااااااي انت شتقول...

سالم : انا سالم .. ماوراك امتحان للحين مادرست قوم انا دقايق واكون عندك
بدرس معك...

>>> جمع سالم كتبه ومسلزماته وحرك سيارته وراح لخالد ..
دخل الدوانيه ...

سالم : السلام عليكم ..
خالد : هلا والله وعليكم السلام ..
سالم :شكلك للحين فيك النوم ..
خالد : ياولد فكنا المزاج مو مال دراسه مالي خلق ..
سالم : والله وانا بعد مالي خلق
خالد: ياليته يتأجل هالامتحان .
سالم : يتأجل .. ولايهمك ياخويلد يتأجل وانا ولد راشد.
خالد: وشتقول على كيف ابوك ..
سالم : انت بس جهز نفسك الساعه 10 الصبح وبمرك ونروح جميع .
خالد : <متعجب> الساعه 10 مجنون امتحانا الساعه 9,30 يمديه خلص ..
سالم : انت ماعليك تجهز الساعه عشر وبتشوف كل خير وانسى الدراسه وكمل نومتك يالله السلام عليكم . .
خالد : وين رايح معزم واثق انك بتأجل الامتحان منت بدارس
سالم : ماني بدارس والله لا يتأجل الامتحان وبتشوف
يالله قود نايت
خالد : تيسر ياشيخ قود نايت


>>>> قعد خالد يفكر ياترى وش بيسوي هالمجنون باجر ..
ويكام نفسه : ياعمي نام بس نام يعني شبيصير كلها امتحان وبسهوله نأجله ..

رن المنبه وصحى خالد من النوم ولبس جهز نفسه وقعد ينتظر سالم ..
وهذي سيارة سالم وصلت ..
سالم : صباح الخير ابو الشباب ..
خالد هلا والله صباح النور ..
سالم : حلوه النومه وانزاح هم المذاكره امس
خالد : اي والله حلوه . بس ماتعلمني شبنسوي الحين ..
سالم انا اعلمك .. لا وصلنا الجامعه . اركب انت الحين
>>> ركب خالد السياره ويوم وصلوا قاله سالم ..: شوف ياشيخ ..
بندخل عند الدكتور الحين وبنقوله ان السياره بنشرت فينا وعلى مابدلنا الاسبير وخلصنا الا موعد الامتحان طاف .. وياليت لو تأجله لنا ..
وعطني غترتك خنطبعها شوي ونوسخها عشان تبين طبعة التاير عليها (اللي هو اطار السياره) عشان يصدقنا الدكتور ..
خالد : ماشي يالله سرينا..
>> وراحو الطايشين عند الدكتور وبلغوه اللي اتفقو عليه وقالوله انهم بنشروا
قالهم الدكتور خلاص اليوم احنا الاربعاء من حظكم راح يتأجل الامتحان ويكون السبت ولا كان خليته باجر بس باجر اللي هو الخميس عطله ..
توكلوا الحين واشوفكم السبت

>>>طلعو الشباب مستانسين من مكتب الدكتور..
سالم ماقلت لك انا راعيها ..
خالد ياولد اشوى على الاقل يكون عندنا كم يوم ندرس فيهم ..

>>>درسوا الشباب وكل واحد مستعد للأمتحان ..
وراح سالم وخالد عند مكتب الدكتور عشان يمتحنون ..
رحب فيهم الدكتور وقالهم انا مكتبي صغير مايصير امتحنكم كلكم فيه عشان كذا واحد بيمتحن بمكتبي وواحد بيمتحن بمكتب الدكتور عمر ...>>الشباب طالعو بعض وقعدوا يتمتمون من اولتها شلون بنغش ... الكتور :: يالله سالم اقعد اهنيه وانت ياخالد روح للمكت اللي هنا مكتب الدكتور عمر .. راح خالد ولما دخلو كلهم جا الدكتور وعطى خالد الورقه وقاله لا تخاف الامتحان عباره عن سؤال واحد وعليه 20 درجه ..
وراح عند سالم وقاله نفس الكلام ...


شتوقعون السؤال ؟؟؟













اي واحد من ايطارات السياره اللي بنشر ؟؟؟؟؟ يعني اي تاير ..




لا خطر على البال السؤال ... ولا كانوا متوقعينه الشباب ..
وكل واحد كتب عكس الثاني واحد كتب اليمين الخلفي وواحد كتب اليسار الامامي ...
ورسبوا في الامتحان ...

الصحيح الكذب حبله قصير...
بس بجد شنو نظرتكم للدكتور...؟؟؟؟؟



تحياتي