حال البنات اليوم

هذي قصيده تحكي حال بنات اليوم والله يهدينا واياهم الى سواء السبيل...


هـذا بنـات اليـوم برقـع وجـــــوال **** ولا عبايـة كتـف هـم يلبسوهـا
والراس فوق الراس طرحه مع الشال *** حتـى الخصـال الطيبـة أفقدوهـا
يوم البنات اللي غـدٍ سبـت اهمـال ***** ويـوم السبايـب اهلهـا هملوهـا
الأم نامـت والأبـو صـار تمثـال ****** والبنت راحت ويـن مـا يسألوهـا
بالليل تسهر بيـن هاتـف وجـوال ***** وإلا علـى دش الفلـس سهروهـا
اقفاي هي ما بين الأسـواق واقبـال ***** بلا غـرض راحـت ولا انشدوهـا
اللبس تلبس كل مـا يطـرب البـال ****** وفلوس لو تنقص عليهـا عطوهـا
من شافها باللبس يا ساتـر الحـال ***** يسبهـــا ويســـب مــن خـــلفـوهــــا
كومة لحم وعيون والرمـش قتـال ****** ولا مشـت كـل الشــبــــاب أتبعوهــــا
هم مادرو لـوإن البراقـع بتنشال ******* ونشوف وش تحت البراقـع خفوهــــا
يرتاح من صابه من أسبابها هبـال ****** ويشوف والله من عيونـه هووهــــا
وين البنات اللي بهم تضـرب أمثـال ****** ليت السلــــوم الطيبـه مـا تركوهــــا
البنت زين البنـت لا زانـت الحـال ****** ماهـو بلبــــس ولا علــــوم خذوهــــا
وين المراجل ما بقى غيـرة إرجـال ******* ليـت الشـوارب والــلحـى حلقوهــــا
اللي على عاره رضى الـذل ينقـال ****** ليـت الكرامـه ليتهــــم يرفعــــوهــــا
ماعاد ينفـع قـول فيهـا ولا قـال ****** لا الأم والله ولا الأبــــــو أنفعـوهــــا
اصبح ضياع البنـت بسبـاب جـوال ****** البنـت ضاعـت والأهـــل ضيعوهــــا
************************************************** *****

اتمنى انها تعجبكم القصيده وطبعا الموضوع ملطوووووووووووش قصدي منقووول
لكن مش كل البنات هيك ربنا يخلي بنات فلسطين الحبيبة هههههه


تحياتى نسيم المحبة